Իսպանացի մասնագետ Տիտո Վիլանովան հունիսի 15-ին պաշտոնապես գլխավորեց կատալոնական Բարսելոնան, հաղորդում է ակումբի պաշտոնական կայքը:
42-ամյա մարզիչը երկու տարվա պայմանագիր է կնքել կատալոնական ակումբի հետ: Գործարքի ֆինանսական կողմը չի հրապարակվել:
Տիտո Վիլանովան 2007 թվականից է աշխատում Բարսելոնայի համակարգում: 2007/2008թթ. մրցաշրջանում իսպանացին աշխատել է կատալոնացիների երիտասարդական թիմի հետ, իսկ 2008-ից զբաղեցնում էր Բարսելոնայի նախկին գլխավոր մարզիչ Խոսեպ Գվարդիոլայի օգնականի պաշտոնը: