Մեսսին մոտենում է Գերդ Մյուլերի ռեկորդին

Բարսելոնայի հարձակվող Լիոնել Մեսին Իսպանիայի առաջնության 32-րդ տուրում երկու գնդակ ուղարկեց Սարագոսայի դարպասը՝ ընթացիկ մրցաշրջանում իր գոլեր քանակը հասցնելով 60-ի:

Արգենտինացին դարձավ առաջին ֆուտբոլիտը, ով սկսած 1973 թվականից կարողանում է մեկ մրցաշրջանի ընթացքում հատել 60 գոլի սահմանագիծը, հաղորդում է Infostrada-ն:

1972/73 մրցաշրջանում Մյունխենի Բավարիայի և Գերմանիայի հավաքականի լեգենդար հարձակվող Գերդ Մյուլերը 67 գոլ էր խփել բոլոր մրցաշարերում: