Ոսկե գնդակի քառակի դափնեկիր Լիոնել Մեսսին Բարսելոնայի մարզաշապիկ է նվիրել Գերմանիայի ազգային հավաքականի եւ Մյունխենի Բավարիայի նախկին ռմբարկու Գերդ Մյուլերին։ Իր ստորագրությամբ 10 համարի մարզաշապիկի վրա Մեսին ջերմ խոսքեր է գրել լեգենդար գերմանացու հասցեին, գրում է Bild-ը:
Հիշեցնենք, որ նախորդ տարի 25-ամյա արգենտինացին գերազանցել էր Գերդ Մյուլերին պատկանող մեկ օրացուցային տարվա արդյունավետության ռեկորդը: 1974-ին Մյուլերը խփել էր 85 գնդակ, իսկ 2012-ին Մեսին դարձավ 91 գոլի հեղինակ: