Նորություններ
Լիվերպուլը կբարձրացնի Սուարեսի աշխատավարձը
19.05.2012 17:52
Անգլիական Լիվերպուլը պատրաստվում է պահպանել թիմի առաջատար հարձակվող Լուիս Սուարեսին՝ ուրուգվայցուն առաջարկելով շաբաթական 100 հազար ֆունտ ստերլինգ աշխատավարձ: Այս Պահին Սուարեսի շաբաթական աշխատավարձը կազմում է 80 հազար ֆունտ ստերլինգ:
Վերջին շրջանում իսպանական և անգլիական լրատվամիջոցներում լուրեր են շրջանառվում, որ Ուրուգվայի հավաքականի հարձակվողը ցանկանում է տեղափոխվել Իսպանիա, որտեղ նրա ծառայություններով լրջորեն հետաքրքրվում է կատալոնական Բարսելոնան:
Լիվերպուլը նոր պայմանագրեր է կնքել նաև դանիացի Դանիել Ագերի և սլովակ Մարտին Շկրտելի հետ: Գլխավոր մարզիչ Քենի Դալգլիշի հեռացումից հետո լիվերպուլյան ակումբը վախենում է կորցնել թիմի առաջատարներին, այդ իսկ պատճառով վերանայում է նրանց պայմանագրերը:
-
Լիվերպուլը կբարձրացնի Սուարեսի աշխատավարձը. FCBarca.am
