Նորություններ
Ֆրանսիան լքում է Եվրո 2012-ը
24.06.2012 00:42
Հունիսի 27-ին Եվրո 2012-ի եզրափակիչի առաջին ուղեգիրը կվիճարկեն Պորտուգալիայի և Իսպանիայի հավաքականները: Սպասվում է անօրինակ ճակատամարտ. մի կողմից Ռոնալդու, Պեպե, Կոենտրաու – մյուս կողմից` Կասիլյաս, Ալոնսո, Ռամոս, Չավի, Ինյեստա, Ֆաբրեգաս կամ Տորրես: Դարձյալ հակամարտության հարթությունն անխուսափելիորեն տեղափոխվում է Ռեալ - Բարսելոնա հարթություն:
Իսկ քառորդ եզրափակիչի Իսպանիա – Ֆրանսիա դիմակայությունում սուր պայքար չստացվեց: Պաշտոնական հանդիպումներում աշխարհի ու Եվրոպայի չեմպիոն Իսպանիայի հավաքականն առաջին անգամ առավելության հասավ ֆրանսիացիների նկատմամբ: Երկու կողմից էլ իրական գոլային պահերը քիչ էին:
Հանդիպման սկզբում Խորդի Ալբայի փոխանցումից Ալոնսոյի գլխի հարվածով խփած գնդակը միակն էր մինչև 90-րդ րոպեն, երբ նույն Ալոնսոն 11 մետրանոցից խփեց նաև երկրորդ գնդակը` 2:0 և Իսպանիան կիսաեզրափակիչում է: Տուգանային հրապարակում Ռամին խախտեց կանոները Պեդրոյի նկատմամբ:
Չավի Ալոնսոն 100-րդ հոբելյանական հանդիպումը հավաքականի կազմում նշանավորեց դուբլով:
-
Ֆրանսիան լքում է Եվրո 2012-ը. FCBarca.am
