D խմբի ֆավորիտներ Անգլիայի և Ֆրանսիայի հավաքականներն առաջին տուրի խաղում հաղթողին ի հայտ չբերեցին:
Դոնեցկի Դոնբաս Արենայում կայացած Ֆրանսիա – Անգլիա հանդիպուման հաշիվը 30-րդ րոպեին բացեցին անգլիացիները: Ջոլեոն Լեսկոտը Սթիվեն Ջերարդի փոխանցումից հետո գրավեց Ուգո Լյորիսի դարպասը:
Ընդամենը ինը րոպե անց Լորան Բլանի թիմը կարողացավ հավասարեցնել հաշիվը: Ֆրանսիացիները խաղարկեցին անկյունային հարվածը: Մալուդան փոխանցեց Ռիբերիին: Նա գնդակը թողեց Սամիր Նասրիին, որն էլ դիպուկ հարվածով գրավեց Հարտի դարպասը:
Մինչև Լեսկոտի գոլը հավասար պայքար էր ընթանում: Սակայն գոլից հետո նախաձեռնությունն անցավ ֆրանսիացիների կողմը: