Տոտենհեմի պաշտպան Գարեթ Բեյլը շարունակում է հուսալ, որ առաջիկա մրցաշրջանից սկսած հանդես է գալու Բարսելոնայում:
Կատալոնական ակումբի՝ ֆուտբոլիստի ծառայություններով հետաքրքրված լինելու թեման իսպանական լրատվամիջոցներում հաճախ է նշվում, սակայն միշտ ընդգծվում է նաև նրա իրավունքների դիմաց պահանջվող մեծ գումարը:
Տոտենհեմի ղեկավարները ֆուտբոլիստի տրանսֆերի դիմաց 45-50 մլն եվրո պահանջելու մտադրություն ունեն: Կատալոնացիներն այդ գումարը հազիվ թե կարողանան վճարել, սակայն դա պատրաստ են անել Մանչեսթեր Սիթին: Բարսելոնան հուսով է, որ Բեյլը ճնշում կգործադրի Տոտենհեմի ղեկավարների վրա, որպեսզի հեշտացնի կատալոնական ակումբ իր տեղափոխությունը: