Այսօր Բարսելոնան սկսել է խոտածածկի փոփոխման աշխատանքները՝ լեգենդար Նոու Կամպ մարզադաշտում: Նոր խոտածածկը պատրաստ կլինի առաջիկա մրցաշրջանի մեկնարկից առաջ:
Կատալոնական մարզադաշտը կծածկվի Ֆրանսիայի Բորդոյում աճեցված 8900 քմ խոտով: Մարզադաշտում ժամանակավորապես կդադարեցվեն բոլոր միջոցառումները` մինչև Իսպանիայի առաջնության առաջին տուրի շրջանակներում օգոստոսի 18-ին կամ 19-ին կայանալիք Բարսելոնա-Ռեալ Սոսյեդադ հանդիպումը:
Կատալոնական ակումբի`խոտածածկի պահպանման համար պատասխանատու մարմինները չեն կարողանում հարմար և պիտանի ծածկ գտնել ամառային և ձմեռային ամիսների համար: Այդ պատճառով ակումբում որոշում են կայացրել փոխել խոտածածկը յուրաքանչյուր մրցաշրջանից առաջ: