Նորություններ
Բարսան խնդիրներ չունեցավ
04.11.2012 12:20
Իսպանական Պրիմերայի 10-րդ տուրում կատալոնական Բարսելոնան սեփական խաղադաշտում 3:1 հաշվով առավելության հասավ Վիգոյի Սելտայի նկատմամբ:
Խաղի հաշիվը 21-րդ րոպեին բացեց Բարսելոնայի բրազիլացի կիսապաշտպան Ադրիանոն: 24-րդ րոպեին իսպանացի հարձակվող Մարիո Բարմեխոն խփեց Սելտայի պատասխան գնդակը, բայց երկու րոպե անց Դավիդ Վիլյան դարձյալ առաջ մղեց կատալոնացիներին:
Ընդմիջումից հետո Իսպանիայի հավաքականի պաշտպան Խորդի Ալբան ևս մեկ գնդակ ուղարկեց հյուրերի դարպասը՝ ձեւակերպելով խաղի վերջնական հաշիվը:
Պրիմերայի լավագույն ռմբարկու Լիոնել Մեսսին մասնակցեց ամբողջ հանդիպմանը, սակայն չկարողացավ գոլի հեղինակ դառնալ: Նոյեմբերի 2-ին 25-ամյա արգենտինացին հայր էր դարձել:
Տիտո Վիլանովայի թիմն 9-րդ հաղթանակը տարավ ընթացիկ առաջնությունում և 28 միավորով ամրապնդվեց առաջին տեղում: Սելտան 10 միավորով 14-րդն է:
Barcelona - Celta Highlights HD 03.11.2012 by FCBHighDef
-
Բարսան խնդիրներ չունեցավ. FCBarca.am
