Ֆուտբոլի Իսպանիայի առաջնության վերջին տուրում Սևիլիայի Բետիսը սեփական խաղադաշտում ոչ ոքի խաղաց կատալոնական Բարսելոնայի հետ՝ 2:2:

Խաղի 9-րդ րոպեին Իսպանիայի հավաքականի կիսապաշտպան Սերխիո Բուսկետսն առաջ մղեց Բարսելոնային, իսկ երկրորդ խաղակեսի սկզբնամասում կատալոնացիները մնացին 10 ֆուտբոլիստներով: Հանդիպման 53-րդ րոպեին խաղադաշտից հեռացվեց Բարսելոնայի բրազիլացի պաշտպան Դանիել Ալվեսը: Այնուհետև դուբլի հեղինակ դարձավ Բետիսի իսպանացի հարձակվող Ռուբեն Կաստրոն, սակայն հանդիպման ավելացված ժամանակում Սեյդու Կեյտան խփեց Բարսելոնայիի երկրորդ գնդակը՝ ձևակերպելով խաղի վերջնական հաշիվը: 

Խոսեպ Գվարդիոլայի թիմը 91 միավորով առաջնությունն ավարտեց երկրորդ տեղում: Բետիսը 47 միավորով ժամանակավորապես բարձրացավ 13-րդ տեղ: